絕世好Post「呃like」大生意 – 東方日報 財經版專訪

, 絕世好Post「呃like」大生意 – 東方日報 財經版專訪
「做社交媒體,自己就要享受活喺社交媒體嘅世界入面!如果唔係,要為工作而被迫追趕新資訊、緊貼新潮流,就會好痛苦。」
, 絕世好Post「呃like」大生意 – 東方日報 財經版專訪
【on.cc東網專訊】 社交媒體的普及改變了人們的消費習慣,Social Stand創辦人黃啟亮(Bernie Wong)就看準各行各業愈加重視在社交平台上的形象,2年多前開設此網上廣告公司,為客戶在社交媒體包括Facebook、Instagram及WeChat等發布動態消息,如今客戶包括多個國際品牌,首季的收入已達到去年全年,未來爭取每年營業額倍增,原來「呃like」真係幾好搵!
Bernie的個人事業一直離不開社交媒體,在學時修讀創意媒體,2000年科網股爆破時,他才剛踏足社會,但未被嚇怕,「初期做過網頁編輯,幫公司諗喺網站推咩故仔先吸引到人睇;其後又喺Yahoo幫跨國廣告客戶做宣傳工作,從未離開過科網行業。」他深信,從事科網行業的前途是無可限量的。
社交媒體講求創意。他指:「創意本來就係畀好多框框限制住,唔單指係預算開支,品牌形象、時、地、人通通都要夾,所以惟有盡量發揮。剩得構思而實行唔倒嘅,都係無用。」Bernie解釋:「我哋幫品牌度橋、影相、寫文字、出Post、睇顧客留言同反應等等,咩都做晒。而同傳統廣告商唔同,我哋要更頻密咁出Post,日日諗新橋。仲要我哋係無截稿時間,所以隨時有突發嘢。」他續介紹公司過去的製作:「例如幫Disney手指尾咁大嘅蟻俠模型搞搞新意思,同Blogger一齊玩;又幫過香港電台出自拍唱K App,利用手機上電視同歌星對唱等等。」
他表示,「識玩Facebook嘅人,唔代表識為公司出有質素嘅Post!」,所以要滿足這些要求,對該公司的市場策略員或傳統廣告公司來說,都是一大挑戰;相反,Social Stand專做這些廣告,便更有優勢了。
要做到隨時侯命,準備7乘24的長時間工作時,更要做到高質素的網上廣告。Bernie指,熱愛自己的工作是關鍵,「好似Starbucks咁,我好鍾意飲佢啲咖啡,所以佢做到我個客,我又做倒佢個客。我仲同啲同事講,如果我要同賣殺蟲水嘅公司合作,我都會盡量愛上用呢支殺蟲水!」
Bernie稱,他決定與某客戶合作之前,會先花約1個月了解該公司的產品、分析客戶在市場的定位等等,更會看看他們過去在其他媒體登過的廣告,了解他們的要求。
另外,任何動態消息內容、影像等都不能馬虎,例如他們試過為一個兒童品牌做Facebook post而找來兒童心理學家,亦曾為一個運動品牌請來港隊教練。
———-
「做社交媒體廣告公司,就係要夠Chok!」從Bernie的衣著品味、談吐舉止、神態等,總流露一種Chok的形象,Bernie坦言:「廣告Chok,就可塑造出品牌形象。有啲品牌要Chok得型啲,有啲要Chok得親民啲,有啲要鬼馬啲!客人個個嘅要求都好唔同,但目的都係想等大家記得。」
Bernie又指,所有同事包括自己,更要夠潮!「做社交媒體,自己就要享受活喺社交媒體嘅世界入面!如果唔係,要為工作而被迫追趕新資訊、緊貼新潮流,就會好痛苦。」他跟同事們每天都會慣性地閱讀大量美國論壇的報道及小道新聞。
Bernie續稱,「做社交媒體廣告,要日日新鮮。今日爆嘅嘢,聽日可能已經過氣,要知年輕人玩Snapchat玩得幾開心至得!」所以他當兼職教師,除了是傳授專業知識及經驗給下一代外,也能從學生身上認識最新的潮流。
他憶述半年前,他們留意到Facebook創辦人朱克伯格在一個論壇的講話,認為他暗示不會推出『Dislike』的按鈕,便猜Facebook可能會出其他新按鈕,「咁嗰時我哋就已經度定橋,當Facebook喺美國一話推各款新Reaction按鈕之際,我哋就即刻食住個勢,幫客戶Tempo推新Post,改一改佢原本『點都傍住你』嘅廣告宣傳句,轉做『Like你、Love你、傍住你』!」最後該廣告也獲好評。
原文: 絕世好Post「呃like」大生意 – 東方日報 財經版專訪 Social Stand Bernie Wong

Leave a Comment

Your email address will not be published. Required fields are marked *

en_USEnglish
zh_HKChinese en_USEnglish